#EspañaNoDescoloniza

O sábado 12 de Novembro de 2016 celebrarase en Madrid, desde Atocha, a manifestación anual de apoio ao Pobo Saharauí, na que se esixe como cada ano que España asuma a súa responsabilidade histórica e xurídica e actúe respecto da descolonización do Sahara Occidental.

Non podemos esquecer, nin permitir que se esqueza que o Acordo Tripartito de Madrid é ilegal mesmo segundo a Audiencia Nacional deste país, o que converte a España na potencia administradora de iure do Sahara ocupado, e colócaa nunha posición única para influír no dereito a autodeterminación do Pobo Saharauí.