Marrocos impide a Vicepresidenta do Parlamento Panafricano participar na COP22
A Saharauí Suleima Beiruk, representante da RASD e Vicepresidenta do Parlamento Panafricano, foi detida o día 6 de Novembro por autoridades Marroquís no aeroporto de Marrakech tras a súa chegada ao país, onde estivo retida ata a tarde do 7 de Novembro, cando se ordenou a súa expulsión do territorio ao que se desprazou coa intención de participar na COP22.
É importante destacar que estas Conferencias sobre o Cambio Climático son organizadas polas Nacións Unidas, e Marrocos é unicamente o país anfitrión do evento este ano, polo que non posúe ningunha potestade sobre quen pode participar no evento. Suleima Beiruk participou nestas conferencias con anterioridade como representante da República Árabe Saharauí Democrática (COP21 de París).
Esta detención e posterior expulsión representa un novo desafío do Majzen ás organizacións internacionais e á Unión Africana, organismo do cal a RASD, a diferenza de Marrocos, é membro. Dado que este último solicitou o ingreso nesta unión faise máis palpable a súa incoherencia e desprezo facía a legalidade internacional.
Queda esperar para saber se tomará algunha medida a raíz desta nova provocación de Marrocos á ONU e á Fronte Polisario.
Fonte:
Comentarios recentes