Marcha pola liberdade do Pobo Saharaui
Este domingo 9 de maio Santiago de Compostela en Galicia acolleu a “Marcha pola liberdade do pobo saharaui”, que percorrerá toda España desde diferentes comunidades e concluirá na capital española o 19 de xuño con actos reivindicativos e a entrega do manifesto e as firmas recolleitas durante estes meses ao Ministerio de Asuntos Exteriores.
A convocatoria da marcha, que en Galicia correu a cargo da ONG Solidariedade Galega co Pobo Saharaui (SOGAPS) congregou, en Santiago de Compostela a numerosos simpatizantes do pobo saharaui entre os que se atopaban membros de SOGAPS incluída a súa presidenta Maite Isla, unha nutrida representación da comunidade saharaui en Galicia, diferentes concelleiros e deputados do Parlamento Galego como Carmela e Montse Prado do BNG e Alberto Pazos do Partido Popular, Montse Prado e Alberto Pazos membros do Intergrupo Paz para o Sahara do Parlamento Galego, e Xosé Luís Rivera responsable de Relacións Internacionais do sindicato CIG que foi o encargado de dar lectura ao manifesto.
Antes da lectura do manifesto tamén interviñeron Taleb Alisalem en representación da comunidade saharaui e Maite Isla Presidenta de SOGAPS.
Fonte: porunsaharalibre.org
Comentarios recentes