XII Asemblea de EU en Galicia sitúase a favor dun Sahara Libre

O pasado 3 de Xuño celebrouse a XII Asemblea de EU en Galicia, que contou coa presenza de Alberto Garzón (Corrdinador Federal de Esquerda Unida), a deputada autonómica Eva Solla, e o Delegado Saharauí en Galicia Habibulah Mohamed.

Habibulah Mohamed en la Asamblea de EU

En dicha Asambleada, celebrada o pasado sábado en Santiago de Compostela, aprobouse unha resolución na que o partido se pronuncia respecto da situación que sofre o Pobo Saharauí e a ocupación marroquí, e esixe aos organismos pertinentes a súa actuación ao respecto.

Achegamos a continuación devandito comunicado, e aproveitamos para agradecer unha vez máis o compromiso de EU con esta xusta causa.

POLO FIN DA IMPUNIDADE DE MARROCOS, POLO DEREITO DO POBO SAHARAUÍ A VIVIR EN PAZ NO SEU TERRITORIO

A dramática situación que soporta o pobo saharauí non pode esquecerse. É a nosa responsabilidade levantar a voz e denunciar unha vez máis a violación de dereitos humanos. Son máis de 40 anos de ignominia, en que Marrocos vive ocupando ilegalmente o Sahara Occidental grazas á complicidade de Europa e sobre todo de España, que sempre fuxiu da súa responsabilidade en tanto que actual potencia administradora.

Esquerda Unida sempre estivo co pobo saharauí. Sempre recoñeceu á fronte Polisario como representante político e institucional do devandito pobo. Sempre loitou contra a hipocrisía imperante no estado e en Galicia.

Os recentes movementos militares realizados por Marrocos, a construción dun muro separador de centos e centos de quilómetros, en cuxo contorno máis inmediato pululan millóns de minas que mutilan vidas inocentes, a tortura das persoas que sofren cárcere por defender a súa dignidade como pobo que quere vivir libremente no seu territorio, a represión e vulneración dos seus dereitos de reunión e manifestación, enfrontándose de forma permanente e constante ás forzas de ocupación marroquí, e un longo etcétera que podemos simbolizar en todo o que ten que ver co xuízo ás persoas do Campamento da Dignidade de Gdeim Izik, unha iniciativa política pacífica, clausurada o 8 de novembro de 2010, con lume e armas polas forzas de represión marroquís e que supuxeron penas abusivas e carentes de xustiza, impostas por un tribunal militar permanente o 13 de febreiro de 2013 aos 24 activistas. Unha farsa de xuízo que denunciamos de maneira sistemática como Esquerda Unida e que foi reaberto en marzo de 2017 en Rabat, dándose as mesmas faltas de garantías xudiciais e graves vulneracións á presunción de inocencia. Reclamamos a liberdade de todos os presos políticos saharauís.

A XII Asemblea de Esquerda Unida esixe contundencia á Xunta de Galicia á hora de manter os compromisos asinados e rubricados por unanimidade coa declaración do Parlamento de Galicia. Os vínculos comerciais de certa oligarquía empresarial non poden representar un obstáculo á hora de manter os acordos conseguidos. Os dereitos do pobo saharauí deben prevalecer sobre calquiera acordo comercial.

Por un Sahara libre!

Compostela, 3 de xuño de 2017

Comparte, ayúdanos a difundir:Share on Facebook
Facebook
Share on Google+
Google+
Tweet about this on Twitter
Twitter
Share on LinkedIn
Linkedin
Share on Tumblr
Tumblr
Print this page
Print
Email this to someone
email

You may also like...

Deixa unha resposta

O teu enderezo electrónico non se publicará Os campos obrigatorios están marcados con *

*

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies