NON ao Mónaco – Dakar, súmate
SOGAPS únese á denuncia de CEAS-Sahara respecto ao rally Mónaco-Dakar: un insulto a todo o Pobo Saharauí, ao violar os territorios ocupados, as zonas liberadas e o muro da vergoña, coa única mediación do estado ocupante: Marrocos. A organización retrátase a se mesma ao ilustrar a competición cun mapa ficticio, no que Marrocos e o Sahara Occidental Ocupado nun mesmo territorio.
Compartimos a continuación o comunicado de CEAS Sahara
O Polisario denuncia a provocación que supón que o rally atravese a fronteira marroquí-saharauí e sentirase liberado de todo compromiso da tregua en vigor de levarse a cabo o proxecto dos organizadores da carreira. A Fronte Polisario considera a decisión dos organizadores como un insulto á vontade dos saharauís, un desafío a Nacións Unidas, un apoio ao colonialismo marroquí e unha violación do cesamento o lume, en vigor desde setembro de 1991.
A responsabilidade das graves consecuencias que se poidan derivar desta nova provocación, demostran a nula vontade da parte marroquí para atopar unha solución definitiva que respecte o dereito á autodeterminación do Pobo Saharauí, que leva 42 sufrindo baixo a ocupación do seu territorio.
Marrocos con esta manobra pretende perpetuar a súa ilegal ocupación da man duns empresarios europeos sen escrúpulos cara aos dereitos lexítimos do Pobo Saharauí a decidir o seu futuro, entorpecendo e obstaculizando así, as futuras negociacións reclamadas polo Consello de Seguridade das Nacións Unidas.
Ninguén pediu permiso aos verdadeiros donos do territorio, nin á Misión das Nacións Unidas para o Referendo no Sahara Occidental ( MINURSO), para que pase polo seu País. Sinalamos a disposición da Fronte Polisario de cooperar de forma sincera co Secretario Xeral das Nacións Unidas, e o seu Representante persoal para alcanzar unha solución xusta e pacífica baseada no respecto do dereito inalienable do Pobo Saharauí á autodeterminación e a independencia, e o seu pleno compromiso neste contexto cos requisitos dos Acordos de cesamento do fogo de 1991.
CEAS- Sahara, extremadamente preocupada, faise eco da denuncia da Fronte Polisario, e facemos un chamamento á Unión Europea, á Comisión e aos seus Estados membros, especialmente a Francia, país desde onde sae o Rally Mónaco-Dakar e a España, país que é potencia responsable da descolonización inconclusa do territorio, para que presionen ao seu socio Marrocos, a suspender inmediatamente devandito Rally que viola claramente a sentenza do Tribunal de Xustiza Europeo, de decembro do 2016, a cal recoñece que “o territorio do Sahara Occidental é distinto e independente de Marrocos”. Por tanto, toda acción levada a cabo no Sahara Occidental débese consultar co seu pobo, representado lexitimamente pola Fronte Polisario.
Madrid, 6 xaneiro 2018
Comentarios recentes