Eventos Solidarios co Pobo Saharauí en Novembro
Este mes de Novembro organízanse diferentes eventos solidarios co Pobo Saharauí co fin de dar visibilidade á ocupación Marroquí que sofre o Sahara Occidental e financiar programas de axuda aos Campamentos de Refuxiados Saharauí, como o envío de material escolar, sanitario ou deportivo.
En diferentes puntos de Galicia celebraranse comidas, ceas e concertos solidarios co fin de recadar para axudar ao Pobo Saharauí e visibilizar a ocupación Marroquí. Tal e como denunciou a Media Lúa Vermella Saharauí recentemente, os Campamentos de Refuxiados están a sufrir un descenso na axuda alimentaria, chegando a prever un descenso do 50% das racións mensuais a partir deste mes. Por outra banda, as múltiples choivas torrenciais que están a castigar aos territorios nos últimos meses fan máis necesario se cabe o material médico, e o financiamento dos medios necesarios para construír as vivendas que se perderon. Estes feitos só agravan a situación xa complicada na que vive o Pobo Saharauí dende hai máis de 40 anos en Campamentos de Refuxiados nos que dependen da axuda humanitaria internacional.
Os eventos máis próximos que realizará SOGAPS para axudar a esta situación son os seguintes:
- Cea Solidaria co Pobo Saharauí o 26 de Novembro no Hotel Coia de Vigo.
- Prezo: 25€
- 22:00 Horas
- Cea Solidaria co Pobo Saharauí o 19 de Novembro e Baile en Boiro.
- Prezo: 35€
- 22:00 Horas
- Concerto de Barahúnda “Movense os Ventos” o sábado 19 de Novembro en Rianxo.
- Prezo: 5€
- 20:30 Horas
- Masterclass de Zumba Solidaria co Pobo Saharauí o 27 de Novembro en Narón.
- Prezo: 3€
- 11:30 Horas
- Cea Solidaria co Pobo Saharauí en restaurante “Ou Castelo” o 2 de Decembro en Vilasobroso.
- Prezo: 25€
- 21:30 Horas
Podedes informarvos sobre como conseguir as vosas entradas para estes eventos chamando ao 986 262 637, escribindo un e-mail a info@sogaps.org ou na Oficina de SOGAPS en Vigo (Avda. Alcalde Gregorio Espino, 57 baixo).
1 Response
[…] Eventos Solidarios con el Pueblo Saharaui en Noviembre […]