Firma en Ames do convenio de “Vacacións en Paz”

Na mañá de onte 28 de Marzo, membros de SOGAPS reuníronse co alcalde de Ames, José Miñones, e a concelleira de Sanidade, Servizos Sociais e Igualdade, Luisa Feijóo, para asinar o convenio de Vacacións en Paz. Entre os representantes de SOGAPS neste encontro atopábanse a presidenta da asociación Maite Isla, e a delegada de zona Esther Ybarra.

Reunión en Ames

Dende SOGAPS queremos agradecer ao Concello de Ames a súa colaboración un ano máis con este programa solidario, que nesta ocasión permitirá a chegada de 12 nenos á zona ao facerse cargo dos billetes de avión dos menores.

Agradecemos ao alcalde, as súas concelleiras e concelleiras, ao persoal técnico, a Leo pola disposición que sempre demostrou á hora de facilitarnos este traballo, á familias acolledoras. E á nosa compañeira Esther Ybarra que co seu traballo diario, reunións coas familias, visitas ao concello, organización de actividades e difundindo o programa, fai posible a chegada dos nenos e nenas Saharauís a Ames e encontros como este.

Vacacións en Paz é un proxecto de acollida temporal de nenos e nenas saharauís durante os meses de xullo e agosto , que en Galicia desenvolve Solidariedade Galega co Pobo Saharauí (SOGAPS), a petición expresa do goberno da República Árabe Saharauí Democrática (RASD).

Galicia vén participando nesta iniciativa solidaria desde o ano 1991, ofrecendo ás familias saharauís a posibilidade de que as súas fillas e os seus fillos gocen dunha estancia agradable, humana e culturalmente rica, baixo a supervisión e os coidados das familias acolledoras galegas.

Este programa levase a cabo grazas á colaboración económica da Xunta de Galicia, e o apoio dos concellos.

Comparte, ayúdanos a difundir:Share on Facebook
Facebook
Share on Google+
Google+
Tweet about this on Twitter
Twitter
Share on LinkedIn
Linkedin
Share on Tumblr
Tumblr
Print this page
Print
Email this to someone
email

You may also like...

Deixa unha resposta

O teu enderezo electrónico non se publicará Os campos obrigatorios están marcados con *

*

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies