Éxito das III Xornadas Formativas en Padrón
O pasado sábado 29 de Abril celebráronse en Padrón as III Xornadas Formativas para Vacacións en Paz 2017. Desta maneira, as últimas Familias Acolledoras que se sumaron ao programada puideron participar neste requisito indispensable.
Nestas Xornadas Formativas – do mesmo xeito que nas edicións anteriores – tratáronse diversos temas esenciais para coñecer a problemática á que se enfronta o Pobo Saharauí, o contexto histórico do conflito, e a diversa actividade ao respecto da asociación Solidariedade Galega co Pobo Saharauí (SOGAPS).
O devandito evento contou coa presenza da presidenta da asociación, Maite Isla e diversos expertos e profesionais vinculados á loita polo Pobo Saharauí: Mohamed Boutinguiza (Doutor en Física e Profesor na UVigo), Pablo Romeo (membro de SOGAPS – Delegado de Zona), Esther Ybarra (Membro de SOGAPS – Delegada de Zona), Noelia Porto (Membro de SOGAPS – Campo Sanitario), Santiago Jimenez (Profesor de Historia e Coordinador do Observatorio Galego para o Sahara), Clara Freitas (Avogada e responsable de RRHH de SOGAPS), Alejandro Cid (Responsable de Comunicación de SOGAPS), e Dolores Miranda (Membro de SOGAPS).
Máis de cen persoas achegáronse a estas charlas informativas, que compoñen unha clase esencial sobre a situación do Sahara Occidental, do Pobo Saharauí, e do que podemos facer dende Galicia. Dende SOGAPS queremos dar as grazas unha vez máis a todos os ponentes e a todas as familias acolledoras, asistentes nestas III Xornadas Formativas.
Comentarios recentes