Chegan máis Saharauís de “Vacacións en Paz 2017”
Este fin de semana, tras moitos esforzos, conseguimos traer a gran parte dos nenos e nenas Saharauís que non puideron vir a Galicia o venres 7 de Xullo debido ao tamaño dos avións.
Dentro duns días virán os outros grupos.
Agradecidos dos nosos compañeiros de FEMAS, de Fatma Galia, da Delegación Saharauí en España, do Ministerio de Mocidades, que tanto nos axudaron nos últimas días nesta difícil tarefa.
Grazas a este programa, os menores poden escapar das altas temperaturas do deserto de Tindouf no verán (ata 50 graos á sombra) e someterse aos diferentes exames médicos aos que non se pode acceder nun campamento de refuxiados. Ademais aprenden español, segunda lingua oficial da RASD (República Árabe Saharauí Democrática), e supón unha gran experiencia cultural para todos os participantes do programa: os nenos e nenas Saharauís, as familias acolledoras, os menores galegos que se relacionan de forma directa ou indirecta co programa, etc.
Comentarios recentes