Visita a Galicia da Ministra de Cultura Saharauí, Jadiya Hamdi

A Ministra de Cultura Saharaui Jadiya Hamdi, visitou Galicia con motivo da presentación do filme “Leyuad”, gañador da última edición de FiSahara. A ministra da RASD aproveitou a súa estancia nesta comunidade para reunirse con alcaldes, sindicatos, e outras institucións.

Diferentes organismos de Galicia aproveitaron a estancia da Ministra de Cultura Saharauí, Jadiya Hamdi para reunirse con esta representante da Fronte Polisario e trasladalle o seu interese pola situación que sofre o Pobo Saharauí, os últimos avances na autoderminación do seu pobo, a recuperación do Sahara Occidental, e o seu apoio a esta causa e a programas como Vacacións en Paz.

O principal motivo que impulsou a visita de Jadiya Hamdi a nosa Comunidade Autónoma foi a estrea nacional do filme “Leyuad” na Filmoteca da Coruña e no Teatro Principal de Pontevedra. O devandito evento contou tamén coa presenza dos directores da película, membros de SOGAPS, incluíndo á súa presidenta, Maite Isla, o activista de dereitos humanos Hassanna Aalia, e diversa representación política ademais de múltiples familias acolledoras.

Respecto a súa axenda política, o Concello de Pontevedra foi só o primeiro recibimento oficial nunha longa lista de encontros que inclúen ao Concello de Vigo, o Concello de Redondela, o Concello de Lugo, o Concello da Coruña, a Facultade de Comunicación da Universidade da Coruña, ou Concello de Oleiros, representantes de CIG, CCOO e UXT, o Conselleiro de Cultura da Xunta de Galicia, o Concello de Santiago e outras reunións con representantes das diferentes formacións políticas.

En todas as súas visitas oficiais recibiu o apoio ao Pobo Saharauí e o interese pola súa causa, adoptando diferentes compromisos como viaxes oficiais aos Campamentos de Refuxiados ou o impulso a “Vacacións en Paz”.

Comparte, ayúdanos a difundir:

Facebook

Twitter

Google+

Linkedin

Tumblr

Print

email