Vacacións en Paz acércase a Galicia

Grazas a este programa, os menores poderán escapar das altas temperaturas do deserto no verán, e someterse aos exames médicos pertinentes, ademais de vivir unha grandísima experiencia cultural e ser os imprescindibles embaixadores da súa causa.

As familias acolledoras galegas están desexando dende hai tempo a chegada dos nenos e nenas Saharauís (algúns xa coñecidos ao ser repetidores, e outros chegan por primeira vez á nosa Comunidade Autónoma). Este venres,despois da súa longa viaxe, e dunha longa noite de traballo do equipo de Sogaps (Solidariedade Galega co Pobo Saharauí), as familias de Vacacións en Paz estarán reunidas un ano máis.